🌍 5 XUÑO: DÍA DO MEDIO AMBIENTE

O día 5 de xuño celébrase o Día Mundial do Medio Ambiente e para aportar o noso gran de area faremos un visionamento de varias curtas nas que se trata este tema. 

🚶‍♀️ Tamén realizaremos unha andaina pola contorna do cole para valorar, repectar e  coidar o espazo natural que nos rodea, durante a cal recolleremos lixo que nos vaiamos atopando. Esta andaina será unha actividade colectiva compartida na que participa todo o alumnado e profesorado do noso centro.

Curta 1: "COIDA A AUGA"

Nesta curta vese como moitas das nosas accións diarias condicionan a vida do noso planeta.

Curta 2: " BASURIA"

Nesta curta trátase a importancia de poñer en práctica os 3 R: reducir, reutilizar e reciclar para vivir en harmonía coa natureza, nun lugar limpo para todos. Tamén se trata de valores como colaboración, civismo, convivencia, traballo en equipo...

POR UN PLANETA ➕ VIVO!!! 

TEMOS UNHA SOA TERRA!!!

SEN CONTAMINACIÓN POR PLÁSTICOS!!! 

 LETRAS GALEGAS 2023: VÍDEO

Atende ao seguinte vídeo explicativo feito por nenos e nenas coma ti onde se recolle a vida e obra de Francisco Fernández del Riego, o escritor homenaxeado deste ano nas Letras.

 LETRAS GALEGAS 2023

Escritor homenaxeado este ano: Francisco Fernández del Riego. Xoga e aprende!

 LETRAS GALEGAS 2023

Este ano adicadas a Francisco Fernández del Riego. Xoga e aprende co rosco de palabras!

LETRAS GALEGAS 2023

Que sabes de Francisco Fernández del Riego? Xoga e aprende!

🌺 OS MAIOS: UNHA TRADICIÓN  GALEGA

Chegou o mes de maio e con el chegou unha tradición moi nosa que xunta música, idioma, cultura e historia baixo unha festa popular que gusta a grandes e pequenos.

No cole estamos a elaborar unhas coplas para poder cantar todos xuntos arredor dos nosos maios o día da celebración e festexar así a benvida da primavera.

PARA SABER MÁIS:

 23 ABRIL: DÍA DO LIBRO

Na curta que vos amoso a continuación podemos ver o poder curativo dunha boa lectura a través dunha historia conmovedora na que o seu protagonista (Lessmore) volve ser feliz grazas aos libros e ao poder da imaxinación que fai que a vida se volva alegre e colorida.

Felices lecturas e feliz vida a todos e todas!!

💜XOGO: 8 M, DÍA DA MULLER

O seguinte xogo é un imprescindible para este 8 de marzo. Nel, coñeceredes a María, unha intrépida nena que queda atrapada na súa máquina do tempo e debe viaxar a cinco épocas diferentes para regresar a casa. Nelas coñecerá a cinco das grandes mulleres que cambiaron a historia.

A xogar!!

 ✍23 FEBREIRO: DÍA DE ROSALÍA

O 23 de febreiro celébrase o día de Rosalía de Castro e este ano queremos saber o que se sente ao escribir poemas na lingua galega tal e como o fixo a nosa poetisa por excelencia. Así pois, a semana previa adicarémola a mergullar no mundo da poesía e nas características que a fan tan especial. 

O propio día 23 haberá un acto colexial onde todo o alumnado poderá ler e escoitar poemas creados por eles mesmos. Amais colgaremos un mural colaborativo co retrato de Rosalía coas aportacións plásticas de cada curso que pasará a formar parte do espazo común do centro de xeito permanente. 

Esta semana promete! E vén cargadiña de sorpresas!

Por outra banda, deixo por aquí un genially con actividades para saber todo e máis sobre a vida e obra de Rosalía de Castro. Infórmate! 

🕊DÍA DA PAZ: VÍDEO EXPLICATIVO

Mahatma gandhi, una ficha interactiva de AnaHerrainz
liveworksheets.com

 🤿ENTROIDO 2023: INFORMACIÓN 

No colexio celebraremos o Entroido o venres 17 de febreiro. Nesta ocasión,  o alumnado de 4° de E.P. virá disfrazado de mergulladores. 

A continuación deixo varias propostas que poden ser de utilidade á hora de elaborar o disfrace:

• A roupa será negra e axustada (imitando o traxe de neopreno).

•  Pode levarse un bañador por riba desta roupa.

• O complemento principal son botellas de aire que levarán nas costas. Para as botellas unha idea pode ser reciclar e pintar botellas de refresco grandes.

• Outros posibles complementos poden ser gafas de mergullar, aletas …

• No caso de non levar aletas, nos pés convén un calzado escuro e, a poder ser, cuberto por uns calcetíns grosos negros a modo de escarpíns.

• Na cabeza pode levarse un pucho negro.

Moitas grazas pola colaboración!

E relacionado co mergullo, imos aprender quen foi Jacques Cousteau e o seu importante labor a prol dos océanos.

Jacques Cousteau foi un biólogo e oceanógrafo francés. Foi a primeira persoa que desvelou ao mundo as marabillas do océano a través das súas viaxes e expedicións ao máis profundo do reino acuático. Ademais, contribuíu a incrementar a conciencia pública sobre os problemas do medio ambiente e a importancia de coidar o noso planeta.

Biografía de Jacques Cousteau

 🎄CALENDARIO DE ADVENTO REFRANEIRO

Se tes curiosidade por saber refráns este é o teu calendario! Empeza a conta atrás cara a Noiteboa e o Nadal! 

Chegarás a estas datas sabendo un pouco máis da cultura popular galega!

 🎄NADAL MODO ON

Cal é o teu nome élfico? Descúbreo na seguinte imaxe! Despois podes escribilo en comentarios para saber que pasaches por aquí...

A continuación déixovos o divertido de xogo de Google "Segue a Papá Noel" para pasar un bo rato. Para xogar preme na imaxe.

 20 DE NOVEMBRO: DÍA DA INFANCIA

🌰CHEGOU O MAGOSTO!

                 

                                                                 actividades magosto

🎃 CHEGA O SAMAÍN!