O MELLOR DO NADAL

Nesta curta recordamos que o mellor do Nadal, o que realmente conta, non está envolto en papel de agasallo. O que conta atópase nun sorriso, na boa compaña, nunha aperta verdadeira ou nun simple bico. Bo Nadal a todos e todas!

 🤶CREAMOS HISTORIAS NAVIDEÑAS

 10 D: DÍA DOS DEREITOS HUMANOS

Los Derechos Humanos: "Cada Pollo con su rollo". de Lapiceando

AOS NOSOS MAIORES: NON ESTADES SÓS!

 "BLOBBY"

Blobby narra unha historia a través da vellez e a soidade. Os seus protagonistas son un ancián e un curioso compañeiro representado por unha gran masa de cor gris que o acompaña.

Esta curta aborda un tema de grande importancia: envellecer é unha fortuna, pero no camiño podemos atoparnos con compañeiros non desexados como a soidade.

Reflexionemos entre todos:

Non convirtamos en invisibles aos que nos deron a vida e a posibilidade de vivir nun mundo mellor! Non estades sós!!

Outras curtas sobre a relación cos nosos maiores son as seguintes:

En clase lemos a seguinte noticia que se fixo viral estes días a traves dos medios de comunicación e decidimos colaborar con esta marabillosa iniciativa enviando tamén cartas e postais solidarias. 

 🎄CALENDARIO DE ADVENTO REFRANEIRO

Se tes curiosidade por saber refráns este é o teu calendario! Empeza a conta atrás cara a Noiteboa e o Nadal! 

Chegarás a estas datas sabendo un pouco máis da cultura popular galega!

CURIOSIDADES SOBRE AS ESTRELAS DE MAR

Relacionado co proxecto anual de centro titulado "POR UN PLANETA MÁIS VIVO" todos os cursos estamos a facer uns murais de aula que representen a diversidade mariña que se atopa nos fondos oceánicos. 

En 4º estamos a facer un mural sobre os equinodermos, animais mariños invertebrados que teñen un esquelete interno. Algúns exemplos destes animais serían: as estrelas de mar, os ourizos de mar e os pepinos de mar. 

No seguinte vídeo amosamos curiosidades sobre as estrelas de mar para coñecer un pouco máis en profundidade a estes animais.

 3D: DÍA DAS DISTINTAS CAPACIDADES

O día 3 de decembro celebramos o Día das Distintas Capacidades baixo o lema "TODOS BAIXO O MESMO PARAUGAS"  e dende o cole queremos visibilizar este día traballando valores tan importantes como a capacidade de superación, a resiliencia, a diversidade, etc.

Para iso, comezamos visualizando unha curtametraxe titulada "El regalo" , despois reflexionamos sobre as emocións e sentimentos que aparecen na mesma e damos a nosa opinión ao respecto.

Esta curta conta a historia dun neno que vive refuxiado na súa zona de confort, pechado na súa casa xogando a videoxogos, ata que recibe un agasallo moi especial que fará que mude a súa forma de ver a vida. 

Vémolo?